Huwag Ninyong Tawaging Inyong Ama Ang Sinomang Tao Sa Lupa

(Maling Aral Ng Katoliko 1)

"Huwag Ninyong Tawaging Inyong Ama Ang Sinomang Tao Sa Lupa"
Eto po ang isa sa pangaral at kautusan ng Panginoong Hesukristo sa evanghelio ni Mateo.

Mateo 23:9
9 At huwag ninyong tawaging inyong ama ang sinomang tao sa lupa: sapagka't iisa ang inyong ama, sa makatuwid baga'y siya na nasa langit

Na hindi ipinangangaral ng mga namumuno o Leader ng simbahang katoliko, na sila mismo ay direktang nilalabag ang kautusan ng panginoong Hesus. Paka tandaan po natin na sinabi ni Hesus na lahat ng kanyang sinasabi ay pawang kautusan ng Dios Ama.

Ang sabi ng panginoong Hesus sa evanghelio ni Juan ay :

Juan 12:49
49 Sapagka't ako'y hindi nagsasalita na mula sa aking sarili; kundi ang Ama na sa akin ay nagsugo, ay siyang nagbigay sa akin ng utos, kung ano ang dapat kong sabihin, at kung ano ang dapat kong salitain. 


Samakatuwid po ay ang Dios Ama ang nag uutos na huwag nating tatawaging ama ang kahit na sinong tao sa lupa. Ibig sabihin po ba nito kasama ang ating ama sa laman (tatay)?. Ang binabanggit po dito ng Panginoong Hesus ay sa pananampalataya. Sapagkat Siya din po ang nag utos na igalang natin ang ating ama at ina. Kaya hindi maganda at tamang pakinggan na ang isang anak ay tatawag lamang sa pangalan ng kanyang ama(tatay) at ina(nanay) sa laman.


Mga Taga-Efeso 6 :1-2
1 Mga anak, magsitalima kayo sa inyong mga magulang sa Panginoon: sapagka't ito'y matuwid. 2 Igalang mo ang iyong ama at ina (na siyang unang utos na may pangako), 3 Upang yumaon kang mabuti, at ikaw ay mabuhay na malaon sa lupa.


Bakit po kaya ang mga Paring(Priest) Katoliko ay nagpapatawag ng "Father" o "Ama"? Hindi ba ito'y hayagang pang iinsulto sa Makapangyarihang Dios na lumikha ng Langit at ng Lupa? May kautusan po tungkol dito, Bakit nila nilalabag? Hindi ba sila natatakot sa Dios? Kung ako ang mangangaral, hindi ako patatawag ng ama kahit kanino, kung hindi Kapatid lamang. Sapagkat lahat ng tao ay hinirang na magkakapatid at  kahit ang panginoong Hesus ay hindi nag patawag ng ama at Siya ay itinalaga ng Dios Ama na panganay sa magkakapatid.
Mga Taga-Roma 8 :29
29 Sapagka't yaong mga nang una pa'y kaniyang nakilala, ay itinalaga naman niya na maging katulad ng larawan ng kaniyang Anak, upang siya ang maging panganay sa maraming magkakapatid:

Napaka dami pong mga kautusan sa Biblia na nilalabag ng relihiyong Katoliko o Apostolica Catolica Romana, na siya kong isusulat sa mga susunod ko na post. Sana ay abangan po ninyo para kagaya ko iniwan ko na ang pananampalatayang Katoliko sa tulong at awa ng Dios sa pamamagitan ni Hesukristo.

May kautusan po ang Dios sa mga tao na mag suri tayo ng espiritu o relihiyon para hindi tayo maligaw sa pananampalataya.
1 Juan 4:1
1 Mga minamahal, huwag kayong magsipaniwala sa bawa't espiritu, kundi inyong subukin ang mga espiritu, kung sila'y sa Dios: sapagka't maraming nagsilitaw na mga bulaang propeta sa sanglibutan.


Nawa ay samahan kayo ng Panginoong Dios sa paghahanap ng katotohanan. Pakatatandaan po natin na kapag nag hukom ang Dios at napahamak ang kaluluwa natin sa impierno ay hindi na ito mababawi pa. Mag iingat po tayo, lagi po tayong dumalangin sa Dios sa pangalan ni Hesus upang tayo ay dalhin nya sa tamang landas at tamang Iglesia(Church) na Dios ang nagtayo at hindi tao lamang.

Isang Hula at eksena po sa impierno na pupuntahan ng mga maling mananamba at sa maling dios sila sumasamba...
Pahayag 14:9-11
9 At ang ibang anghel, ang pangatlo, ay sumunod sa kanila, na nagsasabi ng malakas na tinig, Kung ang sinoman ay sumasamba sa hayop at sa kaniyang larawan, at tumatanggap ng tanda sa kaniyang noo, o sa kaniyang kamay, 10 ay iinom din naman siya ng alak ng kagalitan ng Dios, na nahahandang walang halo sa inuman ng kaniyang kagalitan; at siya'y pahihirapan ng apoy at asupre sa harapan ng mga banal na anghel, at sa harapan ng Cordero: 11 at ang usok ng hirap nila ay napaiilanglang magpakailan kailan man; at sila'y walang kapahingahan araw at gabi, silang mga nagsisisamba sa hayop at sa kaniyang larawan, at sinomang tumatanggap ng tanda ng kaniyang pangalan


Magsilayo po kayo sa kanila mga kapatid hangga't buhay tayo ay may pag asa pa na magbalik loob sa Dios na lumikha sa atin.

To God be the glory...........Amen.......

Huwag Kang Magkakaroon Ng Ibang Mga Dios Sa Harap Ko

(Maling Aral Ng Katoliko 3)

"Huwag kang magkakaroon ng ibang mga Dios sa harap ko"

Hindi po ito binabasa at inaaral ng mga pari at mangangaral ng simbahang Katoliko sa mga miyembro dahil sila mismo ang mga unang lumabag sa kautusan na ito ng Panginoong Dios.

Malinaw na iniutos at ipinasulat kay Moises ng Panginoong Dios:

Deuteronomy 5:6-10
6 Ako ang Panginoon mong Dios na naglabas sa iyo sa lupain ng Egipto, sa bahay ng pagkaalipin. 7 Huwag kang magkakaroon ng ibang mga Dios sa harap ko. 8 Huwag kang gagawa para sa iyo ng larawang inanyuan na kawangis ng anomang anyong nasa itaas sa langit, o ng nasa ibaba sa lupa, o ng nasa tubig sa ilalim ng lupa: 9Huwag mong yuyukuran sila o paglilingkuran man sila: sapagka't akong Panginoon mong Dios ay mapanibughuing Dios, na aking dinadalaw ang kasamaan ng mga magulang sa mga anak, sa ikatlo at sa ikaapat na salin ng nangapopoot sa akin; 10At pinagpapakitaan ko ng kaawaan ang libolibong umiibig sa akin at tumutupad ng aking mga utos.

Sa lahat ng aral ng katoliko, eto ang masasabi ko na pinaka masama sa lahat na nilabag ng simbahan. Madalas na ang katuwiran ng isang katoliko dito ay "hindi namin sinasamba ang larawan o rebulto, patukoy lamang sa Dios". Yan po ang rason ng isang katoliko sa paglabag nila sa kautusan na ito.

Isa po ako noon na nag ra-rason ng ganyan. Salamat sa Dios, binuksan Niya ang aking puso at isipan na ito po pala ay nakaka pighati sa Panginoon. Ang pag gawa po pala ng mg rebulto, dios-diosan, o larawang inanyuhan ay may kalakip na sumpa ng Dios na sinulat sa:

Deuteronomy 27:15
15 Sumpain ang taong gumagawa ng larawang inanyuan o binubo, bagay na karumaldumal sa Panginoon, na gawa ng mga kamay ng manggagawa, at inilagay sa dakong lihim. At ang buong bayan ay sasagot at magsasabi, Siya nawa.


Bakit po kaya sa palagay ninyo na hindi pinapangaral etong mga salita ng Dios sa mga tao? Dahil siguradong tatamaan at malalaman na niloloko lang nila ang mga kawawang mga miyembro.

Na kahit si Apostol Pedro na sinasabi ng simbahang Katoliko na unang papa sa Roma ay galit at na susuklam din sa pag gawa at pag samba sa mga rebulto o diosdiosan:

1 Pedro 4:3
3 Sapagka't sukat na ang nakaraang panahon upang gawin ang hangad ng mga Gentil, at lumakad sa kalibugan, sa mga masamang pita, sa mga paglalasing, sa mga kalayawan, sa mga kayamuan, at sa kasuklamsuklam na pagsamba sa mga diosdiosan:

Mula ng nalaman ko ang mga aral at na basa ko din sa Biblia, ay dali dali akong umalis sa pagiging katoliko dahil sa nakaka insulto po pala sa Panginoong Dios ang mga gawain at maling pag samba ng Iglesia na ito.

Mapapatunayan na hindi kinakasihan ng Dios ang simbahan o iglesia katolika sa banal na kasulatan:

2 Mga Taga-Corinto 6:15-17
15 At anong pakikipagkasundo mayroon si Cristo kay Belial? o anong bahagi mayroon ang sumasampalataya sa di sumasampalataya? 16 At anong pakikipagkaisa mayroon ang templo ng Dios sa mga diosdiosan? sapagka't tayo'y templo ng Dios na buhay; gaya ng sabi ng Dios, Mananahan ako sa kanila, at lalakad ako sa kanila; at ako'y magiging kanilang Dios, at sila'y magiging aking bayan. 17 Kaya nga, Magsialis kayo sa kanila, at magsihiwalay kayo, sabi ng Panginoon, At huwag kayong magsihipo ng mga bagay na marumi, At kayo'y aking tatanggapin,

Heto pa po ang isang Salita ng Panginoong Dios na napaka tibay po na hindi Siya nalulugod sa ginagawa ng mga katoliko na pag samba sa mga diosdiosan:

Isaiah 42:8
8 Ako ang Panginoon; na siyang aking pangalan: at ang aking kaluwalhatian ay hindi ko ibibigay sa iba, o ang akin mang kapurihan sa mga larawang inanyuan.

Na ipinangaral din ni Apostol Pablo na ang mga sumasamba sa diosdiosan ay hindi magmamana ng buhay na walang hangan o kaharian ng Dios:

Mga Taga-Galacia 5:19-21
 19 At hayag ang mga gawa ng laman, sa makatuwid ay ang mga ito: pakikiapid, karumihan, kalibugan, 20 Pagsamba sa diosdiosan, pangkukulam, mga pagtataniman, mga pagtatalo, mga paninibugho, mga pagkakaalitan, mga pagkakampikampi, mga pagkakabahabahagi, mga hidwang pananampalataya, 21 Mga kapanaghilian, mga paglalasing, mga kalayawan, at ang mga katulad nito; tungkol sa mga bagay na ito ay aking ipinagpapaunang ipaalaala sa inyo, tulad sa aking pagpapaalaala nang una sa inyo, na ang mga nagsisigawa ng gayong mga bagay ay hindi magsisipagmana ng kaharian ng Dios


At eto po ang wakas ng mga naka anib sa ganyang religion, sa dagat-dagatang apoy (impierno):

Pahayag 21:8
8 Nguni't sa mga duwag, at sa mga hindi mananampalataya, at sa mga kasuklamsuklam, at sa mga mamamatay-tao, at sa mga mapakiapid, at sa mga manggagaway, at sa mga mapagsamba sa diosdiosan, at sa lahat na mga sinungaling, ang kanilang bahagi ay sa dagatdagatang nagniningas sa apoy at asupre; na siyang ikalawang kamatayan.


Mag isip at mag suri po tayong mabuti mga kapatid. Dati rin po akong Katoliko at lubos akong nagpapasalamat sa Dios sa pananalangin ko ng matyaga, hiningi ko sa kanya na dalhin Niya ako sa katotohanan at ganun nga po ang kanyang ginawa. Salamat sa Dios :

TO GOD BE THE GLORY.....

BABALA ! (WARNING)

Huwag po kayong gagaya sa mga bulag na ito !

At Sa Pananalangin Ninyo Ay Huwag Ninyong Gamitin Ang Walang Kabuluhang Paulit-ulit

(Maling Aral Ng Katoliko 2)

"At sa pananalangin ninyo ay huwag ninyong gamitin ang walang kabuluhang paulit-ulit,"

Noong ako po ay nasa Katoliko pa eto ang isa pa pong evangelio ng panginoong hesus na ni minsan ay hindi binasa ng mga pari at mga mangangaral ng Iglesia Catolica Apostolica Romana (Katoliko).

Sa evangelio ni Mateo na inuutos ng Panginoong Hesukristo :

Mateo 6:7
7 At sa pananalangin ninyo ay huwag ninyong gamitin ang walang kabuluhang paulitulit, na gaya ng ginagawa ng mga Gentil: sapagka't iniisip nilang dahil sa kanilang maraming kasasalita ay didinggin sila. 8 Huwag nga kayong magsigaya sa kanila: sapagka't talastas ng inyong Ama ang mga bagay na inyong kinakailangan, bago ninyo hingin sa kaniya.

Kung ganito ang kautusan ng Panginoong Hesus, hindi ba hayagan na pang iinsulto at pag suway ang mga paulit-ulit na panalangin na pinatutupad sa atin ng simbahang katoliko? At tayo ay tinuturan nila na insultuhin ang Dios na lumikha sa atin? Isipin ninyong mabuti mga kapatid eto po ay iniuutos na po sa atin ng panginoong Hesus para hindi tayo maligaw sa pananalangin sa Ama. Kung may takot sa Dios ang relihiyong Katoliko dapat ay maingat nilang inoobserba at sinusunod ang mga kautusan at palatuntunan ng Panginoong Hesukristo dahil ito ang kalooban ng Amang Dios.

Gaya ng sinabi ni Hesus, "sapagka't talastas ng inyong Ama ang mga bagay na inyong kinakailangan," kaya hindi na po pala natin dapat ulit-ulitin ang dasal at panalangin natin. Napaka makapangyarihan ng Dios at hindi pa natin hinihingi at iniisip ay alam na Niya. Kaya napaka liwanag po mga kapatid na ang itinuturo sa atin ng simbahang katoliko ay kung paano natin iinsultuhin ang Panginoong Dios sa pananalangin, na hindi talastas at nalalaman ng mga kapwa tao na miyembro ng simabahang ito. Sapagkat na bulag sila ng demonio o ng dios ng sanlibutan na ito gaya ng sinasabi ni Pablo sa mga taga Corinto:

2 Mga Taga-Corinto 4
4 Na binulag ng dios ng sanglibutang ito ang mga pagiisip ng mga hindi nagsisisampalataya, upang sa kanila'y huwag sumilang ang kaliwanagan ng evangelio ng kaluwalhatian ni Cristo, na siyang larawan ng Dios.

At ako po ay nagpapasalamat sa Dios Ama at Panginoong Hesus na sa awa at biyaya Niya ay binuksan ang aking mga mata at puso. Lumiwanag ang evangelio ng Dios sa aking puso at isip. Salamat po Oh Dios...

Ang Salita at Karunungan din ng Panginoong Dios ang natuturo sa atin ng tamang pananalangin at sasabihin. At ito po ay na susulat sa Biblia na hindi tinuturo o sadyang hindi alam ng mga pari at mangangaral ng simbahang Katoliko. Dahil hindi sa kanila natutupad ang hula at tamang relihiyon na tinayo ng Panginoong Dios.

Ganito po ang sinulat ni Haring Solomon sa kalooban ng Dios:

Ecclesiastes 5:2
2 Huwag kang pakabigla ng iyong bibig, at huwag magmadali ang iyong puso na magsalita ng anomang bagay sa harap ng Dios; sapagka't ang Dios ay nasa langit, at ikaw ay nasa lupa: kaya't pakauntiin mo ang iyong mga salita.

Heto pa po ang isang turo ng Apostol Pablo kung paano mananalangin sa Panginoon:

Mga Taga-Filipos 4:6
6 Huwag kayong mangabalisa sa anomang bagay; kundi sa lahat ng mga bagay sa pamamagitan ng panalangin at daing na may pagpapasalamat ay ipakilala ninyo ang inyong mga kahilingan sa Dios

Sana po kagaya ko lumiwanag ang katotohanan ng evangelio ng Panginoong Hesukristo sa tulong at awa ng Dios Ama. Idalangin din po ninyo na maliwanagan kayo at dalhin kayo ng Dios sa tamang landas at relihiyon na kanyang itinayo sa pamamagitan ni Hesukristo. Huwag po kayong maniniwala at magtitiwala basta sa mga mangangaral na hindi ninyo nalalaman na binulag na pala kayo ng kanilang pakunwaring salita at gawa subalit hindi naayon sa kalooban ng Dios.

Jeremiah 17:5
5 Ganito ang sabi ng Panginoon: Sumpain ang tao na tumitiwala sa tao, at ginagawang laman ang kaniyang bisig, at ang puso ay humihiwalay sa Panginoon.

kagaya ng mga ganitong mga mangangaral na nagpapakitang tao upang madami silang ma iligaw na mga kawawang kaluluwa na mapupunta sa impiyerno.

kaya huwag na po tayong basta basta magtitiwala sa mga mangangaral na ang aral ay wala sa Biblia at hindi salita at kalooban ng Panginoong Dios. Tandaan po at baka tayo maparusahan dahil sa wala nating kamalayan sa pananampalataya. Kagaya ng mga sumasamba sa mga maling dios at aral kagaya ng sinabi ni Apostol Juan sa Apocalipsis:


Pahayag 14:9-11
9 At ang ibang anghel, ang pangatlo, ay sumunod sa kanila, na nagsasabi ng malakas na tinig, Kung ang sinoman ay sumasamba sa hayop at sa kaniyang larawan, at tumatanggap ng tanda sa kaniyang noo, o sa kaniyang kamay, 10 ay iinom din naman siya ng alak ng kagalitan ng Dios, na nahahandang walang halo sa inuman ng kaniyang kagalitan; at siya'y pahihirapan ng apoy at asupre sa harapan ng mga banal na anghel, at sa harapan ng Cordero: 11 at ang usok ng hirap nila ay napaiilanglang magpakailan kailan man; at sila'y walang kapahingahan araw at gabi, silang mga nagsisisamba sa hayop at sa kaniyang larawan, at sinomang tumatanggap ng tanda ng kaniyang pangalan

Karapatan ninyong mag suri upang kayo ay iligtas din ng Panginoong Hesukristo. Nawa ay samahan po kayo ng Panginoong Dios at Panginoong Hesus sa pagsusuri...

Lahat po ng Karangalan at Kapurihan ay tanging sa Dios po lamang....

TO GOD BE THE GLORY...AMEN

Bakit Masama Ang Mag Abuloy Sa Iglesia Ng Ikapu (10 percent )?

Una po sa lahat pinasasalamatan ko ang Panginoong Dios na lumikha ng langit at ng lupa sa biyayang binibigay Niya sa ating mga tao. Lalo na ang pang unawa at pagbubukas Niya sa aking puso at isipan upang masilayan ko ang katotohanan at kaluwalhatian ng Dios sa pamamagitan ng pag silang ng  evanghelio ng Panginoong Hesus. Lahat ng kapurihan at karangalan ay sa Iyo po lamang Amang Banal..Amen..


Ano po ba ang pag aabuloy ng ikapu sa iglesia? At bakit pinatutupad ito ng maraming relihiyon? Pag aralan po natin saan nanggaling ang kautusan na pagbibigay ng ikapu....

Marami po tayong mababasang Sitas sa Biblia sa Lumang Tipan tungkol sa pagbibigay ng mga Israelita ng ikapu sa panginoon. Eto po ang ilan :

Lumang Tipan (Old Testament):

Malachi 3:10
10 Dalhin ninyo ang buong ikasangpung bahagi sa kamalig, upang magkaroon ng pagkain sa aking bahay, at subukin ninyo ako ngayon sa bagay na ito, sabi ng Panginoon ng mga hukbo, kung hindi ko bubuksan sa inyo ang mga dungawan sa langit, at ihuhulog ko sa inyo ang isang pagpapala, na walang sapat na silid na kalalagyan.

Leviticus 27:30-32
30 At lahat na ikasangpung bahagi ng lupain, maging sa binhi ng lupain, o sa bunga ng punong kahoy ay sa Panginoon: magiging banal sa Panginoon. 31 At kung ang sinoman ay tutubos ng alin mang bahagi ng kaniyang ikasangpung bahagi ay idagdag niya roon ang ikalimang bahagi niyaon. 32 At lahat ng ikasangpung bahagi sa bakahan o sa kawan, anomang madaan sa tungkod, ay magiging banal sa Panginoon ang ikasangpung bahagi.


At pinatunayan ni Apostol Pablo sa Bagong tipan :

Bagong Tipan (New Testament):

Hebreo 7:5
5 At katotohanan ang mga sa anak ni Levi na nagsisitanggap ng katungkulang saserdote, ay mayroong utos na kumuha ng ikasangpung bahagi sa bayan ayon sa kautusan, sa makatuwid ay sa kanilang mga kapatid, bagama't ang mga ito ay nagsilabas sa mga balakang ni Abraham:


Eto pala ay kautusan talaga ng Panginoon Dios ng panahong Israelita,
Ngayong panahong Kristiyano ba ay ipinatutupad pa po ba ito? Pag aralan po natin ang Biblia, at kautusan ng Panginoong Hesukristo..

Sabi ni San Pablo sa mga hebreo :

Hebreo 3:1-3
1 Kaya, mga banal na kapatid, mga may bahagi sa pagtawag ng kalangitan, inyong isipin ang Apostol at Dakilang Saserdote na ating kinikilala, si Jesus; 2 Na siya'y tapat sa naglagay sa kaniya na gaya rin naman ni Moises sa buong sangbahayan niya. 3 Sapagka't siya ay inaring may karapatan sa lalong kaluwalhatian kay sa kay Moises, palibhasa'y may lalong karangalan kay sa bahay yaong nagtayo ng bahay.

Palibhasa'y bugtong na Anak ng Panginoong Dios ang Hesukristo kaya Siya ay mas may karapatan kaysa kay Moises. Kaya Pinalitan na ng Panginoong Hesus ang kautusan sa kalooban ng Ama.

Hebreo 7:12 
12 Sapagka't nang palitan ang pagkasaserdote ay kinailangang palitan naman ang kautusan.

Ano naman po ba ang ipinalit ng Panginoong Hesukristo na kautusan tungkol sa pag aabuloy sa Iglesia?

2 Mga Taga-Corinto 9:7 
7 Magbigay ang bawa't isa ayon sa ipinasiya ng kaniyang puso: huwag mabigat sa loob, o dahil sa kailangan: sapagka't iniibig ng Dios ang nagbibigay na masaya.

Iyan na po pala ang kautusan ng Panginoong Hesus sa panahong Kristiyano, kaya wala na po pala ang kautusan ni Moises na Ikapu..

At dahil pinalitan na po ng Panginoong Hesus ang kautusan, samakatuwid ang pag pagpapatupad ng mga pastor at maling relihiyon sa mga ka anib nila na magbigay ng ikapu ay kasalanan. Sa kadahilanan na ang pagbibigay ng ikapu ay wala na at di na sakop ng pananampalataya (faith).

Na sinabi ni San Pablo sa mga taga Roma ay :

Mga Taga-Roma 14:23 
23 Nguni't ang nagaalinlangan ay hinahatulan kung kumakain, sapagka't hindi siya kumakain sa pananampalataya; at ang anomang hindi sa pananampalataya ay kasalanan.

Ang hindi po pala sa pananampalataya ay kasalanan...Mag isip-isip po kayo at mag suri po kayo ng mga relihiyon para hindi po kayo mailigaw ng mga bulaang pastor, bulaang propeta, bulaang apostol, bulaang kristo...Ingat po mga kababayan at mga kapatid. Samahan nawa kayo ng Panginoong Dios sa Pag susuri.......AMEN...